Avrona_Illu_Lichtung

Nos clerai

Tuot las vias mainan a Roma – e Vus passaivat eir ad Avrona. Üna via veglia dals Romans maina nan da S-charl in Engiadina e passa natüralmaing il clerai dad Avrona sü ot otezzas sur la chavorgia da la Clemgia. Ün lö pitturesc. Perseguitond la senda eschat subit eir a Scuol. Il Lai Nair es be intuorn la chantunada. Vias per ir a spass d’inviern, sendas per ir cun gianellas, trails da velos – in che maniera eir cha Vus As movat, vaina gust scha Vus faivat üna posetta pro nus, da stà e d’inviern. Per chi chi nu voul chaminar, i dà eir üna via dad autos nan da Tarasp chi garantischa la colliaziun cul muond quotidian dürant tuot l’on.

dsc9457
dsc9536
dsc9529
dsc9483
_DSC9477

Scoula da muntogna Avrona

La fundaziun ‚Bergschule Avrona‘ ha cumprà d’utuon 2018 l’albierg Avrona da seis possessuors anteriurs da tant temp, Peter e Helen Witmer. A la fundaziun staja fich a cour cha quista chasa cun sia taimpra tuottafat aigna possa restar eir in avegnir ün lö da’s sentir bain chi invida grazch‘a sia posiziun geografica e sia sporta culinarica da’s badantar qua. L’albierg dess spordscher da quinderinavant practicum da fufargnar ed in seguit eir plazzas da giarsunadi protettas illa gastronomia a las scolaras ed ils scolars da l’internat da pedagogia curativa da la scoula Avrona. Uschè po pussibiltar in avegnir la gestiun da l’albierg Avrona ad ün o tschel giuvenil da la scoula Avrona ün cumanzamaint accumpagnà in sia vita professiunala.

Bergschule Avrona - Holztafel

Activitats

Esa dad esser adüna activ? Ma na. Chi celebreschan il laschar ir e chi giodan l’oziusità pachifica. Leger ün cudesch tschernü da la Libreria Appenzell sün nossa terrassa sco actività chi fa süar basta bain dich ed avuonda. Tantüna ans vaina fat listess impissamaints che cha Vus pudessat interprender pro nus. Sper la cuntrada grondiusa chi cumainza propcha davant nossa porta e chi  intimescha  a far gitas vastas invid‘il Lai Nair a nixas e neptuns a far il bogn. Verena illa butia da besch‘ad Ardez muoss‘a noss giasts co cusir ün’aigna plüma da lana da bescha. I dess bainquant a far. I’s po – mo i nu’s sto.

_DSC9456
thumb-img-6110-1024
_DSC9447
_DSC9522
_DSC9510
_86A0250
386A0264
386A0265